İran İslam Respublikasının Prezidenti deyib: Xəzər dənizi sahilyanı ölkələrin mirası və paytaxtıdır və burada 270 milyondan çox insan bu dənizdən bəhrələnir.
İRNA-nın məlumatına görə, İran İslam Respublikasının prezidenti Seyid İbrahim Rəisi çərşənbə günü Türkmənistana yola düşməzdən əvvəl jurnalistlərə deyib: İranın Xəzər dənizi ilə həmsərhəd dövlətlərlə yaxşı əlaqələri var. Bu səbəbdən də Xəzərin hüquqi statusu, təhlükəsizliyin artırılması üçün Xəzər dənizindən dinc məqsədlərlə istifadə edilməsi, ölkələr arasında nəqliyyat və tranzit sahəsində əməkdaşlıq, Xəzər dənizində canlıların idarə olunması, Aşqabad sammitində ətraf mühit və Xəzər dənizində əcnəbilərin olmasının qarşısının alınması müzakirə olunacaq.
İran İslam Respublikası prezidenti İran və Türkmənistan arasında son 30 ildə yaxşı münasibətlərə toxunaraq deyib: İki ölkə arasında qaz mübadiləsi və tranzit şərtlərinin yaxşılaşdırılması ilə yanaşı, ticarət və iqtisadi əlaqələr də inkişaf edib. ."