Իրանի Իսլամական Հանրապետության նախագահն ընդգծել է, որ պատժամիջոցներն ու սպառնալիքներն արգելք չեն Իրանի առաջընթացի համար։
Իրանի հարավում գտնվող Հորմոզգան նահանգ կատարած այցի երկրորդ օրն Էբրահիմ Ռայիսին այցելել է Առաջին ծովային շրջանի ԻՀՊԿ ձեռքբերումների և կարողությունների ցուցահանդես: Անդրադառնալով ռազմական սահմանափակումների և պատժամիջոցների ծավալին, Ռայիսին ասել է.«Չնայած այս պատժամիջոցներին, մենք ամենամեծ առաջընթացն ենք գրանցել այս ոլորտում, և քանի դեռ շարունակվում է հեղափոխական ու հավաքազորային աշխատանք ծավալելու ոգին, թշնամին ոչինչ չի կարող անել»:
ԻԻՀ նախագահը հայտարարել է.«Այսօր ժողովուրդը վստահ է, որ տարբեր ոլորտներում տիրում է անվտանգություն, քանի որ ոչ մի շարժում չի վրիպում զինված ուժերի հերոսների աչքից»։
Չորեքշաբթի օրը, տասնչորսերորդ նահանգային այցի շրջանակում, ԻԻՀ նախագահը մեկնել է Հորմոզգան նահանգ: