Հայերի դերն իրանական երաժշտության մեջ անուրանալի է: Նրանք որոշիչ դեր են խաղացել ժամանակակից իրանական, ինչպես նաև գիտական երաժշտության մեջ։
Շատերը նույնիսկ կարծում են, որ եթե Իրանում այսօր կա դասական երաժշտություն, ապա դրանում հայերի դերը շատ որոշիչ է եղել:Իրանական երաժշտության մեջ մեծ դեր են խաղացել և ոլորտին բազմաթիվ ծառայություններ մատուցել այնպիսի գործիչներ, ինչպիսիք են Ռուբիկ Գրիգորյանը, Էմմանուել Մելիք Ասլանյանը, Իվան Գալանյանը, Լորիս Ճգնավորյանը և ուրիշներ:
Այնուամենայնիվ, նրանց դասական երաժշտությամբ սահմանափակելը նշանակում է անտեսել նրանց ներդրումը այլ ոլորտներում: Օրինակ՝ Յահյա մականունով հայտնի Յոհաննես Աբկարյանն Իրանում լավագույն թառերի ստեղծող վարպետն էր։ Հայերի կյանքում երաժշտությունը կարևոր դեր ունի: Ինչպես ասում է Լորիս Ճգնավորյանը. «Ինչպես շատ իրանցիներ մեծացել են պոեզիայով՝ հայերը մեծացել են երաժշտությամբ»: