ԻԻՀ ԱԳ նախարարը ԵՄ արտաքին քաղաքականության պատասխանատուի հետ համատեղ ասուլիսում ընդգծել է.«Իրանը փորձում է հավասարակշռված հարաբերություններ պահպանել աշխարհի և ընդլայնել հարաբերությունները եվրոպական երկրների հետ»:
Իրանի ԱԳ նախարարը և ԵՄ արտաքին քաղաքականության պատասխանատու Ջոզեֆ Բորելը մասնակցել են Թեհրանում կայացած համատեղ մամուլի ասուլիսին։
Շաբաթ օրը կայացած ասուլիսում, Իրանի արտգործնախարար Հոսեյն Ամիր Աբդոլլահյանն ասել է. «Իրանի և Եվրամիության միջև համագործակցության շուրջ երկար, բայց դրական քննարկումներ եղան»։
Նա նշել է. «Իրանը փորձում է հավասարակշռված հարաբերություններ պահպանել աշխարհի հետ, իսկ Եվրոպա մայրցամաքի հետ հարաբերությունների պահպանումն ու ընդլայնումը Թեհրանի առաջնահերթություններից է»։
Նա նաև ասել է. «Իրանի և եվրոպական երկրների միջև հարաբերությունները, հատկապես առևտրային հարաբերությունների մակարդակը բավարար չեն, և մենք հույս ունենք, որ բանակցությունների արդյուքնում առաջընթաց կգրանցվի»:
ԵՄ արտաքին քաղաքականության պատասխանատուն նաև ասել է, որ Իրանի հետ համաձայնության հասնելը կարեւոր է աշխարհի համար։ Իրանը տարածաշրջանի ամենամեծ երկիրն է, և էներգետիկայի ոլորտում մեծ ներուժ ունի։
Բորելն ընդգծել է.«Պետք է վերակենդանացնենք ՀԳՀԾ-ն, չեղարկենք ԱՄՆ-ի պատժամիջոցները, իսկ Իրանը պետք է կարողանա օգտվել տնտեսական հնարավորություններից»:
Բորելն ասել է, որ արդեն երեք ամիս փակուղի մտած բանակցությունները պետք է վերսկսվեն: