Իրանում հաջողությամբ փորձարկվել է «Ղայեմ-100» արբանյակակիրը:
Փորձարկումն անցկացվել է Իսլամական հեղափոխության պահապանների կորպուսի ռազմաօդային ուժերի հրամանատար գեներալ Ամիր Ալի Հաջիզադեի և զինված ուժերի մի խումբ պաշտոնյաների ներկայությամբ։
«Ղայեմ-100» պինդ վառելիքով աշխատող արբանյակակիրը պինդ վառելիքի երեք փուլով կկարողանա 80 կգ կշռող արբանյակներ տեղադրել Երկրի մակերևույթից 500 կմ հեռավորության վրա:
Անցնելով այս փուլը՝ մոտ ապագայում Իսլամական հեղափոխության պահապանների կորպուսի օդատիեզերական կազմակերպությունը օգտագործելով «Ղաեմ-100» երեք փուլանոց արբանյակակիրը կապի և տեղեկատվական տեխնոլոգիաների նախարարության ավիատիեզերական կազմակերպության «Նահիդ» արբանյակը տեղադրելու է Երկրի ուղեծրում:
Գեներալ Ամիր Ալի Հաջիզադեն ասել է. «ԱՄՆ-ի ստոր և ահաբեկչական ռեժիմի գլխավորությամբ կայսերապաշտ երկրները կեղծ խոստումներ տալով, շարվել են Իրանի մեծ ժողովրդի առաջընթացի դեմ՝ և չեն կարող հանդուրժել Իրանի Իսլամական Հանրապետության պանծալի հաջողությունները»: