Ուրբաթ օրը, Թենեսի նահանգի Մեմֆիս քաղաքում ոստիկանի կողմից 29-ամյա սևամորթ ամերիկացի Թայեր Նիքոլսին ծեծի ենթարկելու սրտաճմլիկ տեսարանի հրապարակումից հետո, բողոքի նոր ալիք է բարձրացել ընդդեմ ոստիկանության բռնի պահվածքի։
Բողոքի ցույցեր են տեղի ունեցել Մեմֆիսում, Բոստոնում, Չիկագոյում, Դետրոյթում, Նյու Յորքում, Պորտլենդում, Օրեգոնում և Վաշինգտոնում, ոստիկանության կիրառած բռնության հետևանքով սևամորթ տղամարդու մահվան պատճառով։
Թայեր Նիքոլսը, որին ոստիկանը կանգնեցրել էր հունվարի 7-ին մեքենան վտանգավոր ձևով վարելու համար և ենթարկվել դաժան բռնության, ստացած ծանր վնասվածքների հետևանքով երեք օր հիվանդանոցում մնալուց հետո, մահացել է հունվարի 10-ին։
Նիքոլսի ձերբակալության մասին տեսանյութում երևում է, թե ինչպես են սպաները երեք րոպե հարձակվում 29-ամյա սևամորթ տղամարդու վրա՝ օգտագործելով պղպեղի սփրեյ, ցնցող ատրճանակ և դանակի բազմաթիվ հարվածներ:
Ծեծի ենթարկվելու ժամանակ լսվում է, թե ինչպես է Նիքոլսը կանչում մորը։ Նիքոլսի մահվան մեջ ներգրավված հինգ սպաները, որոնք բոլորն էլ սևամորթ են, անցյալ շաբաթ հեռացվել են Մեմֆիսի ոստիկանական բաժանմունքից և մեղադրվել երկրորդ աստիճանի սպանության և այլ հանցագործությունների մեջ։