ՄԱԿ-ի Թմրամիջոցների դեմ պայքարի հանձնաժողովի 66-րդ նիստի շրջանակում, Վիեննայում բացված ցուցահանդեսում ներկայացվել են նաև թմրանյութերի դեմ պայքարի ոլորտում Իրարնի ձեռքբերումները:
Հանձնաժողովի նիստի մասնակիցներին ներկայացվել է թմրանյութերի դեմ պայքարի ոլորտում Իրրանի ձեռքբերումների մասին պատմող գիրքը:
Տաղավարում ներկայացվել են նաև անցած տարի թմրանյութերի դեմ պայքարում զոհված իրանցի ոստիկանների, ինչպես նաև Իրանի զբոսաշրջային վայրերի լուսանկարները:
Երեքշաբթի օրը Պակիստանի թմրամիջոցների հարցերով նախարար Նավաբզադա Շազին Բուգթին այցելել է Իրանի տաղավար, որտեղ ԻԻՀ թմրամիջոցների դեմ պայքարի շտաբի գլխավոր քարտուղար Իսկանդար Մոմենին ներկայացրել է այս չարաբաստիկ երևույթի դեմ պայքարում Իրանի փորձը:
Նա ասել է. «2022 թվականին Իրանը հայտնաբերել է մոտ 716 տոննա թմրամիջոց և հոգեմետ նյութեր, այդ թվում՝ 540 տոննա ափիոն, 76 տոննա հաշիշ, 30 տոննա հերոին և մորֆին և 30 տոննա մետամֆետամին և այդ արդյունքը ձեռք է բերվել նաև մի խումբ ոստիկանների կյանքի գնով»: