Venesuela prezident votışe: de istemor və emperyalizm mubarizə barde dınyoədə çı İron iyən Venesuela mıştərikə hədəfonin.
Venesuela prezident Nikolas Madoro zinə şəv de qıləy yolə siyosi iyən iğtisodi heyəti bə ico bə İron səfərış kardə.
Əv zinə şəv de İroni Spaniyoli zıvonə Hispan Tv kanali mısohibə çərçivədə votışe: dınyoədə çı Amerkə hərbi sultə zəmon sə be.
Madoro əlovəç karde: İron və Venesuela bəpe tojə nəzmədə de yande həmkarəti və de mıştərikə koon vositə dınyoədə tojə nəzmi cərəyonədə roli ifo kon.
Venesuela prezident bə ın kişvər İroni tərəfo nat vığandey qıləy ciqəmandə koy bə hisobış varde ki bə Venesuela milləti vey yolə komək be.
Əv bə İron və Venesuelam miyono kanə dıroz mıddətə əloğəon işorəş karde ki saxtə şərayetədə həmmişə yande kənoədə bin və təkidış be: ın sabiğə və zəminə hukmən bə əloğəon inkişofi komək bəkarde.
Madoro Fələstini çı bəşəriyəti vey muğəddəsə hədəf bə hisobış varde və təkidış be: Fələstini torix vey bə tərifi ləyoğe boçi ki muxtəlif dinışon bıə dastəon həmonə sərzəminədə vey soron de sulhi yande kənoədə jimon kardedə bin.
Venesuela prezident Fələstin milləti həxədə bıə sionis rjimi cinoyəton vədə dınyo kişvəron sukuti tənğidış karde və votışe: İron və venesuela ijən bə Fələstini anti israil mubarizəonku himoyədorəti dəvom bədan.