Həmmə dinon iyən osmoni, tovhidi və İbrohimi məzhəboədə ki İlahi və insoniyə zoti soybin və bə Xıdovənde xalıği nez bey iyən insoni bə kəmol və inkişof rəsey səmti hərəkəton amilin, bə muğəddəsə çiyon tovhin kardey, qıləy baxşışi loiğ nıbıə xəto iyən bevəcə ko bə hisob omeydə.
De yolə Xıdo nomi
Həmmə dinon iyən osmoni, tovhidi və İbrohimi məzhəboədə ki İlahi və insoniyə zoti soybin və bə Xıdovənde xalıği nez bey iyən insoni bə kəmol və inkişof rəsey səmti hərəkəton amilin, bə muğəddəsə çiyon tovhin kardey, qıləy baxşışi loiğ nıbıə xəto iyən bevəcə ko bə hisob omeydə.
Həmmə şəxson, qurupon, təşkilaton, dıvləti iyən ğəyre dıvlətiyə təşkilatoni ki jığonə baxşeşi loiğ nıbıə xətoon əncon dodən, bəpe ım ğəyre dini rəftoron nəticəon vədə cəvob bıdən və ım rəftoron nəticə məsuliyəti ğəbul kon.
Dəvardə rujonədə, co kərə bə islami və şiə muğəddəsə çiyon ihonət kardey barədə, çı Azərbaycan Respublika polisi be ehtıromətion şoyd bimon, həmonə məsələ ki çımiku bənav həm əncom bıə be və tosə bə ısət amilon məzəmmət karde ya cəzo doe barədə Azərbaycan Respublika dıvlət iyən hukumətiku hiç hərəkət iyən koy nıvindəmone.
Sioniston iyən istikboriyə dıvləton anti islam siyasəton, həminə deşmənə hərəkət və rəftoron peştədəy ki har çand vaxt i kərə tikror bıdə.
Imruj Azərbaycan Respublika kişvər ki çəy cəmiyətiku veyni mısılmonin və bə cəmiyəti nisbəti əsos dınyoədə 2 minnə şiə kişvər bə hisob omeydə, ijən islami mədəniyət və sivilizasiya baxşədə vey kanəti soyibe, de təəssufi, islami həmkarəti iyən bəşər həxon təşkilaton sukuti jintonədə, bə qıləy mərkəz əvəz bıə ki bəvədə muxtəlifə bevəcə rəftoron əcumlə islam və dini şəxsiyətoni bənə Hac Muhsen Səmədov, Hac Tale Bağırzodə, Hac Abqul Soleymanov, Hac İlham Əliyev və co fidokorə alimon, zindoni bıdən, bəvon tovhin iyən be ehtıroməti bıdə, iyən əvoni işkəncə dodən.
Im rəftoron həmmə tovhidi dinon prinsipon yəni islam dini əks qıləy ko bə hisob omeydə, və fəğət sultə iyən istikbor nizom xususi sionist rejimi hədəfon çərçivədə ğərorış qətə.
Im anti din iyən xərobəkə rəftoron ki polis və əmniyyəti ğıvvon iyən Buko siyosi və ğəyre siyosi şəxsiyəton tərəfo muşahidə bıdə, qıləy holədə dəvom kardeydə ki Azərbaycan Respublika mədəniyət və ictimaiyət de sionist rejimi, hiçcurnə zıvon, din, sivilizasiya və irği cəhəto mıştərəkə noğtəş ni.
Həğiğətədə Azərbaycan qıləy şiə, islami və Huseini ictima bə hisob omeydə ki xususi dəvardə 3 dahonədə ərazi, milliyə əmniyyət və islami prinsipon və erjonku mudafiə kardey meydonədə həmişə iminnə xətədə be.
Azərbaycan Respublika polis, rəsmi şəxson iyən çəy hakımiyətiku intizor ıme ki əlovə bə ım ki bəpe şiəyon, alimon və dindaronku ki həmişə de zılm iyən xarıcion ziyodətələbion mubarizə bardey holədə bin ıştə himoyədorəti nışo bıdən, bəlkəm bəpe bə məzhəbi dindaron və alimon be ehtıromətion dəvomi vəy bıqəton, alimoni ki ıştə kişvəriro ğərəz səadət hiç çi tələbəkə ni, həmçınin bəpe islami muğəddəsə prinsipon tovhin kardey amilon həm cəzo doə bıbun ta dınyoədə çimiku vey şiəyon və mominon dılon norohət nıbun.
Həminə bəyoniyə oxoədə, əmə yəni çı Təbriz şəhri ruhaniyonku kali inğilobi və Aşura mədəniyətışon bıə millət, alimon, tələbəon və həlbətə həmmə İslamiyə İroni əzizə milləti tərəfiku elan kardedəmon ki çı Azərbaycan Respublika dindoron ki həmişə Həzrəte Ayətullah Xamenei diğğət iyən inoyəti jintonədən, çəmə çəşon nurin, çən əmə bə ım cıvonə alimon tovhinon, əvoni təhğir iyən zindoni kardey koon sə bey tələb kadedəmon və qıləy şəroyeti pidəmone ki məhbuson xususi Hac Tale Bağırzodə vəşiyanəti aksiya həm bə oxo bırəsi.
Hicri Ğəməri 1443 minnə sori Ziğədə 8 , Hicri Şəmsi 1401 minnə sori Xordadə manqi 18 iyən Miladi 2022 minnə sori İyonə manqi 8 minnə ruj.