İran Peres: Cənini cənubi Ğobatiyə diədə, sionist rejimi hərbion həmlə zəmonədə, Fələstinıjə cıvonon bə çəvon səmt sığ ğandışe.
Bə İran Peres aqentiyəti raporti əsos, zinə sıb, sionist rejimi hərbion de hərbi maşinon bə ico, bə Ğobatiyə di həmlə kardən, və bə ım di sakin bıə kəson səmti qullə ğandışone ki ım hodisədə çand nəfər zəxmin bıən.
Sionist rejim həmişə bə ım di həmlə kardey holədə. həminə tojə həmlə cərəyonədə qıləy Fələstinıjə cıvon lenqi səmtiku zəxmin bıə və 6 nəfər co Fələstinıjon həm zəxmin və bə Cənini İbnesina noxəşxonə ovoştoniyə bıən.
Sionist rejimi hərbion həmçınin Ğobatiyə diədə bə qıləy Fələstinıjə cıvoni kə ki çəy nom Əlae Zekarene be, həmlə iyən əy dastqir kardışone və həmzəman həm bə qıləy jurnalisti səmt ki ım hodisə film qətey holədə be qullə ğandışone.
Təğribən har ruj sionist rejimi hərbion bə Fələstini sərzəmini muxtəlifə məntəğəon əcumlə ordon ru baxtəri tanqə həmləşon kon iyən ım hodisəonədə kali Fələstini milləti zəxmin iyən dastqir bəben.