Seşəmbə sıbh, Azərbaycan Respublika iyən Erməniston xəbəşon do ki 2 qılə kişvəron marzonədə daveon icod bıə və har tərəf co tərəfi mıttəhəmış karde ki Otəşbasti təvafuğnomə rioyət nıkardəşe.
Miladi 2020 minnə sor və 44 rujə canqi bəpeşt, co kərə Azərbaycan Respublika iyən Ermənistoni marzi hərbion de yande daveon binoşon kardə iyən har tərəf co tərəfi mıttəhəm kardə ki otəşbasti muğavilə rioyət nıkardə.
Canqi bəpeşt, Azərbaycan Respublika iyən Erməniston miyono təvafuğ bıə ki marzon təyin kardeyro çand qılə kumitə icod bıbu, əmmo tosə bə ısət ım ko vey bə vırə rəsəş ni.
Bə İran Peres aqentiyəti raporti əsos, deşəmbə şəv Ermənistoni mudafiə vəzarətxonə qıləy bəyoniyədə elanış karde ki ım kişvəri çand qılə marzi şəhrədə, Azərbaycan Respublika həmləon cərəyonədə tepemonon əncom bıə be ki Ğərəboğədə otəşbasti zəif kardey holədəy.
Im bəyoniyədə omə ki Azərbaycan Respublika silohinə ğıvvon, de dron iyən artileriya vositə, bə Ermənistoni ərazi həmləşon kardə.
Co tərəfiku Azərbaycan Respublika mudafiə vəzarətxonə həm elanış kardə ki bə Ermənistoni təhrikəkə hərəkəton vositə, marzi daveon icod bıə.
Azərbaycan Respublika mudafiə vəzarətxonə voteydə ki Daşkəsən, Kəlbəcər və Laçin məntəğəon de Ermənistoni vositə həmlə bıə iyən Ermənistoni mudafiə vəzarətxonə həm voteydə ki Ermənistoni ğərbədə Qoris, Sotk və Cərmok şəhron de Azərbaycan Respublika vositə həmlə bıə.
Əlovə kəmon ki seşəmbə sıb, tojədən Azərbaycan Respublika iyən Ermənistoni marzi daveon bino bey bəpeşt, Ermənistoni prezident Nikol Paşiniyan de Rusiyə prezident Veladimier Putin telefoniyə votımon əncomış do.