Malayziyaədə bıə Kərimə Ğıroni beynəlxalğə mısobiğəon 62minnə dıvrə, de muxtəlifə kişvəron əcumlə İroniku nımoyəndəon iştiroki, bino bıə.
Bə Tele-Rədio aqentiyəti raporti əsos, Zinə rujiku, yəni Miladi 2022 minnə sori Oktiyabrə manqi 19 minnə rujiku, Malayziya kişvəri Kərimə Ğıroni beynəlxalğə mısobiğəon 62minnə dıvrə, de muxtəlifə kişvəron əcumlə İroniku nımoyəndəon iştiroki, bino bıə iyən tosə Miladi 2022 minnə sori Oktiyabrə manqi 24 minnə ruj və Ğeraət baxşədə rəğabəton dəvom peydo bəkay.
Im dıvrə mısobiğəonədə, İroni trəfo Məsud Nuri bənə nımoyəndə iştirokış kardə iyən Nusrətullah Arefi Huseyni bənə çəy ustad bəy komək kardedə.
Malayziya Im dıvrə mısobiğəonədə, 31 qılə kişvəronku 36 nəfər ğari iştirokışon kardə, Malayziya mısobiğəon ki bə korona virusi xoto, 2 sor bərpo bə nıbe, ımsor fəğət ğeraət baxşədə dəvoniyəy bıə.
Im mısobiğə, bənə İslam dınyoədə Kərimə Ğıroni beynəlxalğə vey ğədimi və ğidmətış bıə mısobiğəonku bə hisob omeydə, və vey muhimmə mısobiğəonkue ki həmmə dınyoku çand da nəfər vey çokə ğari bəvədə iştirokışon kardə.
Malayziya Cakim nomo bıə islami bə inkişof rosniyey moəsisə ım mısobiğəon nəzorətəkəy.