İron İslom Respublika vəzarətxonə sıxənəvot, Nasır Kənani ıştə Tvitterədə işorəş karde: de sionist rejimi hərbiçion sərostə qullə ğandey vositə və həmmə milləti çəşon vədə Fələstinıjə cıvoni bə şəhodət rosniye, beynəlxalğə reaksiya loyiğ zıneydə və votışe: insoni həxon çand qılə qınohkorə dıvləti hənkçəy.
Bə İrna raporti əsos, zinə şəvədə Nasır Kənani ıştə Tvitterədə nıvıştışe: de sionist rejimi hərbiçion sərostə qullə ğandey vositə və həmmə milləti çəşon vədə Əmmar Həmdi Mufleh, Fələstinıjə cıvoni şəhid kardey, beynəlxalğə reaksiya loyiğe. əmmo sionist rejimi cinoyətkorə rejimi har rujnə cinoyəton nə de insoni həxon iddioəkəyon vositə məhkum bəbe, və nə çəvon cinoyətonro həğiğəti dumo bıə heyət icod bəbe.
Əv ijən əlovəş karde: insoni həxon çand qılə qınohkorə dıvləti hənkçəy.
Zinə əsr və Nablosi cənubi Həvarə qədə şəhrədə, de israili işğolçiyə rejimi hərbiçion qullə vositə, Əmmar Həmdi Mufleh, qıləy Fələstinıjə cıvon şəhid bıə.
Oxonə çand manqi mıddətədə, bə Baxtəri tanqə muxtəlifə məntəğəon xususi Cənin iyən Nablosədə sionist rejimi hərbiçion həmləon vey əlovə bıə iyən ım həmləon dumoədə, çand da nəfər Fələstinıjə millət şəhid və çand sa nəfər həm zəxmin bıən.