Bə Həzrəte Fatimə(s)-i şəhodəti aid bıə bərnomə-5
Həzrəte Fatmə(s) bə Həzrəte Əli(ə) kə ruşinəti baxş kardedəbe və çə həzrəti rencon və çəy dılədə bıə ğəmon çı miyoniku bardedəbe.Əli(ə) çı Fatmə(s) kəno oroməti hiss kardedəbe və har zəmon ki,çı jimoni muşkilot iyən hodisəonku oqıneyədə de Fatmə(s) sıxan votedəbe və qıləy nuyə ğıvvə cəm kardedəbe.Əli(ə) ıştən hamyəşe:”bə Xıdo ğəssəm de Fatmə(s) mıştərəkə jimon tosə əvrə ki,Xıdovənde-Əzzə və Cəlli əy ğəbzi-ruf kardey hiçvaxti əvım ğəyzinım nıkarde və hiç qıləy koyədə əvım məcbur nıkarde.və əv həm hiçvaxti mınış əsəbin nıkarde və çəyku qıləy əməl bə əməl nıome ta bəçımı noroziyəti boyis bıbu.havaxti bəy nəzə kardedəbim çımı renc və ğəmon bərtərəf beydəbe”.
Məlumə çi ıme ki,Həzrəte Fatmə(s) ziyodə piyəkəsonış hestebe.zira itərəfo çəy buzurquvarə pı çı Besəti bənav bıbu və ya bəpeşt,çı şərifə merd,ərəbi yol iyən Ğureyşi ğəbiləku be və co tərəfiku hejo çı həzrəte peyğombəri(s) ıştən qıləy barzə şəxsiyyətış hestebe.həzrəte Əli(ə) bədiqə əbubək ibn əbu ğuhafə iyən umər ibn xəttob de peyğombəri(s) kinə izdivoc kardero ıştə hozzıətişon elon karde və çəvon har dıqləyni çı peyğombəriku(s) məsə çi ım be ki,çı Zəhro(s) izdivoci barədə İlahi vəhyi intizorədəm.
Əbdurrəhmon ibn ovf iyən osman ibn əfvan ki,har dıqləyni çı ərəbi dıjdə sərvətinə fərdonku bə hisob omeydəbin,bo Həzrəte Fatmə(s)daynəti iyən tələb kardero bə Xıdo-Rəsuli(s) xıdmət rəsin, Əbdurrəhmoni ərzış karde:ha Xıdo-Rəsul(s)ha! əgər Fatmə(s) demı təzvickoş,az hozzım sa qılə siyuə şatur ki,çəvon çəşon kavu və Misri əlo kətonə parçəon çəvon boonin və ijən da həzo dinor mehriyyə pərdaxtkom,bıdom.osmani həm jıqo izhorış karde:ha Xıdo-Rəsul(s)ha! mı həm həmonə mehriyyə ğədərədə bıdəm və hətto az bəsə Əbdurrəhmonisə barzim.zira az bəsə əysə rə mısılmon bıəm.peyğombəri(s) çəvon ım sıxanonku vey ğeyzin be və boəvoni dərsono ki,çə həzrəti bə dınyo moli qıləy rəğbətış ni və çı izdivoci daston çı sərvəti hırye iyən həvatey mıbodilə ni,əve ı mışt hırdə sığ və reğış bəştə dastış peqəte və bə Əbdurrəhmoni xitobən hamyeşe:tı xəyol kardedəş ki,az çı pul iyən sərvəti bandəm və tı deştə sərvəti vositə bomı fəxr kardedəş və dılı heste deştə vəsilə izdivoci koyədə mıni məcburkoş ta ıştı votəy bıkom?
Coqılə rəvoyətədə omə ki,Xıdo-Rəsuli(s) deştə səhobə iyən ənsariku bıə Səd ibn Məaz ki,çı Ovsi ğəbilə yol be votemonış karde və aqahonə surətədə əvış dərosne ki,ğərəz həzrət Əli(ə) hiçkəsi de Həzrəte Fatmə(s) izdivoc kardey ləyoğətış ni və çı peyğombəri(s) nəzə həm jıqoye.de ın tərtibi çı şiyə iyən sınni rəvoyətonədə omə ki,çı Ğureyşi yolon ki,de Həzrəte Fatmə(s) izdivoc kardeyku noumu iyən məyus bıəbin,həzrət Əlişon(ə) vanq je və bə ə həzrəti voteşone:tı bışi bo daynəti.
İmom Əli(ə) de Həzrəte Fatmə(s) izdivoc kardey bəpeştəcrəvoyət kardedə:Xıdo-Rəsuli(s) hamyeşe:ha Əli ha! Ğureyşi yolonku idastə bə Fatmə(s) izdivoci xoto mızəmmət kardeşone və voteşone ki,əmə Fatməmon(s) tələb karde və tı ğəbulı nıkarde.ısət həm əvı bə Əliyyibni Əbi Tolıbi(ə) doe.az voteme:bə Xıdo ğəssəm mı Fatməm(s) şıməku rəddım nıkarde.bəlkəm Xıdo şımə tələbonış ğəbul nıkarde....