İroni ərtışi həvoiyə ğıvvə jiədə bıə zəmini həvoiyə baza

Bə İrna raporti əsos, İron İslom Respublika silohinə ğıvvon həmmə ğərorqoh yol, qeneral Muhəmməd Bağıri iyən İroni ərtışi komandir, qeneral Seyd Əbdul Rəhim Musəvi, İroni ərtışi Oğab 44 nomo bıə ərtışi ğıvvon həvoiyə bazaku, vindemonışon kardə.

İroni ərtışi Oğab 44 nomo bıə ğıvvon həvoiyə baza ğabeliyətış heste ki Ərtışi həvoiyə ğıvvə muxtəlifə ğırəkə təyyarəon iyən dronon ğəbul iyən əməliyoti bıko.

İroni ərtışi Oğab 44 nomo bıə ğıvvon həvoiyə baza de muxtəlifə vırəon əcumlə komanda vırə, ğırəkə təyyorəon oqətey vırə, təyyoron oqətey iyən təmir kardey mərkəz, airporti təchizaton və sutemoni ambo zərfiyətış heste ki şələ məmuriyəton əncom doeyro, İroni ərtışi həvoiyə ğıvvə muxtəlifə ğırəkə təyyorəon ğəbul bıko.

Im jiədə bıə yolə baza, İroni ərtışi həvoiyə ğıvvə tojə ğırəkə təyyorəon əməliyoti ko qətey iyən ğəbul kardeyro zərfiyətış heste.

Votey bəbe ki İroni ərtışi Oğab 44 nomo bıə ğıvvon həvoiyə baza, İroni ərtışi həvoiyə ğıvvə jiədə bıə bazaonku qıləynie ki dəvardə soron mıddətədə bə kişvəri muxtəlifə məntəğəonədə ğeyri passiv mudafiə sistem prinsipi əsos, bə istesmor rəsə.