Իրանի հարավային ջրերում անց է կացվել աշխարհազորայինների երրորդ ծովային զորավարժությունը

Armenian Radio 27 views
Պարսից ծոցում առանց թույլտվության Իրանի ջրեր մուտք գործած ԱՄՆ 10 ծովային հետևակայինների ձերբակալության հինգերորդ տարեդարձին ընդառաջ, Իրանի Բուշեհր նահանգի մերձակա Ֆարսի կղզու մոտակայքում, անց է կացվել աշխարհազորայինների երրորդ ծովային զորավարժությունը:

Զորավարժությունը հաջողությամբ անց է կացվել  Պարսից ծոցում և Ֆարսի կղզու շրջակայքում ՝ 700 թեթև և կիսածանր նավերի մասնակցությամբ:

Հեղափոխության պահապանների երկրորդ ծովային շրջանի հրամանատար, բրիգադային գեներալ Ռամազան Զիրռահի խոսքերով, զորավարժությունների ընթացքում, իրանական հարյուրավոր նավեր ցույց են տվել իրենց ուժն ու պաշտպանական կարողությունը:

Ֆարսին Պարսից ծոցում գտնվող ռազմական կղզի է, որը պատկանում է Իսլամական Հեղափոխական պահապանների կորպուսի նավատորմին:

2016 թվականի հունվարի 12-ին ԻՀՊԿ- ի ռազմածովային ուժերը ձերբակալեցին ԱՄՆ-ի 10 ծովային հետևակայինների,  որոնք անօրինական կերպով, երկու ռազմական նավերով  մտել էին Իրանի Իսլամական Հանրապետության ջրային  տարածք: Ամերիկացի ծովային հետևակայինները, որոնք ձերբակալվել էին Փարսի կղզուց մի քանի կիլոմետր հեռավորության վրա, մեկ օր պահվեցին այս կղզում:

 

Add Comments