Suriyə xəbəiyə mənbəon xəbəşon do: ın kişvəri Homs şəhri cənub şərğədə de sionist rejimi vositə həvoiyə həmlə əncom bıə ki Suriyə ərtışi mudafiə sistemon çəy vəy qətəşone.
Bə İrna raporti əsos, zinə şəvədə, sionist rejimi ğırəkə təyyorəon bə Suriyə Homs şəhri cənub şərği Şəirat nomo bıə hərbi airporti de rəketi vositə həmləşon kardə.
Sana nomo bıə aqentiyəti xəbəş do ki Suriyə ərtışi həvo mudafiə sistemon muvəffəğ bıən çand qılə rəketi bə hədəf qıniye bənav, məhv kon.
Həminə holədə Suriyə televeziya raportış do ki sionist rejimi ım həvoiyə həmlədə, 2 nəfər çı Suriyə ərtışi əsqəron şəhid və 3 nəfər həm zəxmin bıən.
Nakonə manqi 26 minnə rujədə, Suriyə ərtış elanış kardə ki Dəməşği ətrofi osmonədə, ın kişvəri həvo mudafiə sistemon çand qılə çı israili rəketon məhvış kardə be.
Oktiyabrə manqi 21 minnə rujədə həm qıləy Suriyə hərbi mənbə elanış kardə be ki: israil de rəketi vositə, Təbərya nomo bıə qolə şimol şərği səmtiku, Dəməşğ şəhri kənoədə, bə çand qılə məntəğə həmlə kardedə be.