İlham Əliyevi bə İroni zidd bıə hayku dəlilon rişə pəydu kardey

İroni tərəfiku bə Az.Res.bın dəvardə si sori dırozi siyosi,hərbi,tranziti,kommunikasiya,ixtisodi iyən humanitarə koməkon,həmçinin aliyə səviyyədə Ğərəboği məntəğə bə Az.Res oqordıney təkrorinə təkidon rəğmən,jıqo intizor şeydəbe ki,Ğərəboği dıminə canqi bəpeştə Boku de İroni bənə pıə bıə ın xıdməton ğədrdonəti iyən ehtıromi xoto,de Tehroni çokə hamsuyəti siyosəti bıbo.əmmo vəzyət jıqo nıbe.həyğətədə bə iminə xoşbinəti iyən nikbinətiyon əks ki,2020-ə milodi sori Ğərəboği dıminə canqi zəmonədə mevcud be,ım canq nəyinki,bə Boku de Tehroni miyono mınosibəton çokəti boyis nıbe, bəlkəm vəzyətış tiki həm mırəkkəbış karde və nəhoyətən bə dıqlə kişfəri miyonio mınosibəton sardəti iyən problemon buruz pəydu kardey boyis be......

Çın mevzu dəlil  mıəyyəne.2020-ə milodi sori Ğərəboği dıminə canq çı Az.Res.irodə ixtiyori xariciku bə əməl ome.ım kişfər məxsusən 2003-ə soriku çı ilham əliyevi bə hakimiyyət omey bəpeştə çı tırkiyə konfederasiyə və həmçinin çı inqilistoni və çəy sədə Britiş petrolim və həmçinin seonist rejimi cəvəlon kardə vırə təbdil be.ım kişfəron bənə revizionist, fırsətçi və iddioəkə aktyoron Ğərəboği dıminə canqi proje formatədə və de Az.Res. işğal bıə əraziyon ozodəti nomi səyışon karde ıştə fətnəkorə planon har qıləyni de osmanizm iyən yolə tırkiyə mehvəriyyəti,de Nato turani koridori və Az.Res.-əşon bə”seonizmi reqiyonal baza” təbdil kardə holədə ıştə siyosəton bənav bıbon.çımiku hədəf de qıləy əhotənin iyən dıjdə geopolitikə fitnə icod kardey,çı ironi de ərmənıstoni marzi çı miyoniku bardey,ərmənıstoni cənubi poə kardey və bın məntəğədə qıləy pesoxtə bıə iyən ğeyri-ğanuni qıləy siyosi vohidi icod kardey be....

Oxonə dı sornə təcrubə nışonış doydə ki,bə Ğərəboği dıminə canqi təisir xoto,harçənd Az.Res. işğal bıə əraziyon həlbəttə çı ğərəboğiku xaricədə,nəyinki,ğərəboğ muxtar respublikə çı ərməniyon dastiku ozodətiyon bə əməl ome,əmmo çımi əvəzədə qırd Az.Res çı seonist rejim,tırkiyə iyən pardə peştono çı inqilistoni ğərolış qəte.Az.Res həmmə vıronədə de çə kişfəron pərçəmon rost kardey,çı ittifoği nışonə ne, bəlkəm çı Az.Res bə çın kişfəron mustəmləkə peqordıeny iyən ilahm əliyevi devləti çəvonku bə şıkrə mandey boyis be.təbiiye ki,bə Az.res daxili ayid bıə vəzyət,ğasbu həm bə ironi qıləy dəxlış ni,əmmo qıləy zəmon ki,ğərole ki,boku bə İroni ələyh bə geopolitik,jeoekonomik iyən geokalçıral fitnə mərkəzi təbdil be və islomofobiyə iyən ironofobiyə sistematik surətədə qıləy hevuj iyən rəsmiyə formədə təğib kardey be. həlbəttə bımi reaksiyəon sırfən bo ironi mıdofiyə  kardero məntığiye.bəçəy xoto həm Ğərəboği dıminə canqi bəpeştə Tehron-Boku rabitəon bə sardəti səmt hərəkətış pəydu karde....

Badekubə və ya Aran torıxi nəzəku çı İroni iqlə baxiku bıə.AZ.res. ki,dınyoədə dıminə şiyə devləte, mədəniyyət,torıxi iyən dini aspektiku iyən umumən Ğafğaz çı ironi mədəniyyətiku co nıbə qıləy baxşe. qıləy ifroti nəzə ki,bo Az.res de tırkiyə və Az.res de yəhudiyon miyono qıləy həmrayəti mevcude,çı Az res milləti İronıj bıeyku bıə norohətçəti iyən tarsiku nəşət seydə.tırkiyə bənə nato uzvi unvoni seonist rejim ki,çandə sorone İroni çı Az.res –ku komilə surətədə ixrac kardey məğsədışon heste.

Bın cəhətədə İroni xarici koon vəzərotxonə sıxanəvot Nasir Kənani votedə:hukmən məntəğə xariciku bıə daston ki,çı reqiyoni kişfəron miyono mınosibətonədə konstruktiv bıəni,bo ironi deçəy hamsuyəon miyono rabitəon xərob kardeyro səy kardedə.bə məntəğə kişfəron tevsiyə kardedəm ki,çəvon hənəkon çərçivədə ğərol nıqəton.İroni çı kali mıhosibə nıbə və səhvə mıhosibəonku bə əməl sıxanon iyən bəvon cəvob nıdiey çı zəyfəti nışonə ni,bəlkəm çı ironi zumandəti siyosətiku bə əməl omə çiye.bənə qıləy zumand iyən bə hamsuyəon nisbətədə qıləy dıjdə məsuşliyyətonış bıə kişfəri unvoni....