Qiloni Lahican şəhri cımə imomi xotbəon...

taleshi radio 2 views
Qiloni Lahican şəhri cımə imom zinə ıştə xotbəonədə votışe: Tojədən mıştərəkə marzi tanqədə, "bıvəti mışt" nomo bıə Azərbaycan Respublika iyən Tırkiyə mıştərəkə manıvr bərpo be. Imon planışone ki qıləy royku Ermənistoni vədə problem icod kon, iyən çəvon plan ıme ki Zənqəzuri tanqə ki İron İslom Respublika bə Ermənistoni yeqanə zəmini roy heste dəbaston iyən roon ğət bıkon.

Huccətul-islam vəl muslemin Suleymani əlovəş karde: həmonə plan ki əvon kəşəşone ıme ki İroni de Avropa rabitə vəy qətə bıbu, əvon dılışon ni ki bə Boku varid beyro, Nəxcəvonıjon İroniku dəvardon, ısət Erməniston rozi bıə iyən pidəşone ım tanqə bıbaston, ım tanqə bıqəton ta Nəxcəvonıjon sərost bə Boku iyən Azərbaycan Respublika bışon. Əvon pidəşone şimol-cənub tranziti roy, şimol tosə Farsi korfez iyən Omani dıyo roy bıbaston.

Qiloni Lahican şəhri cımə imom votışe: Çəvon co qılə vey təhdid omizə ko ıme ki pidəşone Ğəfğazi islomiyə hukuməti təşkil bıdən. Colib ıme ki əvon iddio kardən ki həminə hukuməti qıləy baxş, Qilonədə bıə çəmə əzizə tolışə məntəğonin.

Suleymani təkidış be: de Amerkə həmroəti bə ico çəvon həmmə hədəfon ıme ki ln mantəğədə, İroni bə qıləy canq varid kon əmmo ım cəfənqiyot bə İlhom Əliyevi damedə ni. əmə fik kardedəmon ki əv vey əyyoşətiş kardə və çəy mıburəkə sə hanədəy, əv yodiku bardə ki Ğərəboği iminnə canqədə çəy dədə Heydər, Mərhum Haşımi Rəfsəncaniku tələbış kardə be ki əməni bə ğəyyoməti ğəbil kənən, əmə bədbəxt bıdəmon! Imon çəvon yodiku şə.

Qiloni Lahican şəhri cımə imom əlovəş karde: əmmo çəmə yodiku şedə ni ki Ğərəboği oxonə canqədə İron İslom Respublika şıməku mudafiəş karde, və çəmə vey yolon omin və şımə istiğloli peştədə mandin, ısət əmmo şımə çəmə peştiku bəmə xəncə jedon.

Im qıləy notae,.

Huccətul-islam vəl muslemin Suleymani bə Azərbaycan Respublika cənub (Tolışon sakin bıə məntəğəonədə) qədə şəhron soxteyro, israilıjon zəmin hırye işorəş karde və notaş do: ımruj Azərbaycan Respublikaədə, İroni dışmonon və sioniston vey kəon qətəşone, çəmə atomiyə alimon terror, Azərbaycan Respublika marziku be, Şahçiroği hodisə almilon Azərbaycan Respublika marziku omə bin.

Qiloni Lahican şəhri cımə imom təkidış karde: İroni İslomi Respublika ıştə ko zıneydə iyən subitış kardə ki bə ım koon məşğul mande bois nibəbe ıştə vey muhimmə hədəfiku ğafil bımando. Fitnəon dılədə əmə qıləy manıvri bərpo kardımone ki həmmə tərəfon çəyku tarsəşon be.

Əv xutbə oxoədə votışe: İlhom Əliyef karde nibəzne iddioş bıbu ki bənə Kırdıstoni iğlim, Azəri iğlimi icod karde bəzne. Azərion, Azərbaycan, Təbriz iyən Urumiyə millət çəy cəvobi bədon.

Add Comments