İroni ərtışi həmohənqəkə muavin Zulfəğar 1401 hərbi təlimi dəvoniye İroni ərazi təmamiyəti oqəte, iyən İroni nizomi istiğloliku mudafiyə kardeyro çı ərtışi zumandəti nışonə bə hisobış varde.
Bə İranpress aqentiyəti raporti əsos, İroni ərtışi həmohənqəkə muavin admiral Həbibullah Səyyori çı ərtışi dıyo qıvvon tojə hərbi manevri barədə votışe: həminə manevrədə təğribən 200 qılə taktiki təlim nəzərdəqətə bəy iyən muxtəlif rəketon, artileria və muasir siloh-təchizaton imtivon bıdə.
İroni ərtışi həmohənqəkə muavin əlovəş karde: Zulfəğar 1401 hərbi təlimi muvəffəğ dəvoniye bə dışmon nışo doydə ki harzəmon iyən har vırədə ki bə İroni ərazi təmamiyəti hımlə bıbu vey peşmonəkə reaksiya bəvinden və bəpe çəy intizorədə bıbun.
Zulfəğar 1401 nomo tojə hərbi təlim dəvardə haftə pencşəmbə İroni cənub şərğ, Məkran sahil, Hormuz tanqə iyən Ommani dıyo tosə Hindustani okiyan məntəğonədə bino bıə.