Qiloni ostandar votışe: Qilonədə daxıli iyən xarıci investoronku dəvət və çəvon fəaliyətiku himoyədorəti bəbe
Bə Mehr aqentiyəti raporti əsos, Əsədullah Əbbasi Qilonədə çand qılə fabrikaonku diyə karde kənoədə bə iğtisod baxşədə problemon ciddi surəti peydo və əvoni həl karde təkid iyən izhorış karde: ko və istehsol çı İroni dıvləti əsli siyosətonin.
Əv bə istehsoli rovnəğ baxşədə ımsornə sori şuari əməli karde zəruriyyati işorə və əlovəş karde: istehsoli rovnəğ sahədə krediton və koməkonədə Qilon çı İroni i minnə vırədəy ki ın prosses ijən dəvom peydo bəkarde.
Qiloni ostandar ıştə sıhbəton dəvomədə bə daxil iyən bumi imkanatonku istifodə karde xoto iyən istehsoli rovnəğədə bəzi fabrikaon bə ostani təchizot iyən texnoloqia zərfiyəton peşt-pur mande işorəş karde və votışe: jığonə şirkət iyən kompaniaonku ciddi surəti himoyədorəti bəkamon.
Əbbasi bə ostanədə iğtisodi fəaliyəton bino beyro investoronku dəvət iyən himoyədorəti kardey barədə həm votışe: ditəsərrufat, turizm, dıyo iyən sənayeədə Qilon vey çokə zərfiyətonış heste ki həminə baxşonədə sərmoyə noeyro zəminə tam icod bıə.
Qiloni ostandar bə məhsulon istehsolədə mıstəğil bey, sərmoyəon oqəte iyən koon icraədə islohoti təkidış karde və votışe: pidəmone ki ostanədə inkişof vey həmohənq iyən bərobər əncom bıbu.