Mubarəkə Rəməzonə manqi orəxnə cımmə de İslami İnğilabi bani Ayətullah Xomeyni (r) təşəbbusi İslami dınyoədə de “Ğodsi ruj” nomi bənə həmə mısılmonon vəhdət və bə zulmi etirazə ruji ğeyd bedə.
Islamə İnğilabi Yolə Rəhbər Ayətullah Seyid Əli Xameneiən izah kardəşe ki, Gudsi Ruj bəpe Fələstini muğəddərati muəyyən kardə ruj bıbo: “Fələstini məsələ və çe Amerika şeytonə və xəbisə siyasət ki, ey bə Fələstini munasibətədə nəzərədə qətəşe, nomşən Qərb muğavilə noə, de İlahi koməki hiç vaxt bə jimon dənıbəvarde. Fələstini ğəziyyə ki, Amerika rəsmiyon bənə kuy ey vindedənin, hiç vaxt çe yodo benıbəşe, Beytul- Muğəddəs şəhər çe Fələstini paytaxt bəmande. De Xıdo koməki islami ummət və Fələstini mısılmonə xalğ bəştə deşmenon de ğətiyyəti ğalib bomen. Soxtə sionistə rejimi rişə çe Fələstin zəminiku kandə ruji bəvinden”.
Mərcəye-təğlid Ayətullah Nuri Həmədani Ğudsi Ruji şemonədə xalğ bə fəal iştirak dəvət kardəşe, votəşe ki, “dırozə soron bəşəriyyət çe i dastə ğəsbkari bə məzlum qıley xalği kardə zulm və əzaziləti şoyde. Im zulm rujbəruj ziyod bedə. Çe beynəlxalğə təşkilaton bımi kardə sukut isə insonon həniən bə həyəcon vardedə. Bə har qıley ozodə insoni vacibe ki, de har qıley mumkunə roy, bə ğeyri-ğanuniə, korpə hırdənon ğətl kardə sionistə rejimi cinayəton ıştə etirazi bıvoto, deştə fəal iştiraki ım cinayətkarə siyasəti məhkum bıkardo. Hiç şubhə ni ki, de Xıdavandi-aləmi iradə və dınyo ozodə xalğon vəhdəti ğeyri-ğanuniə sionistə rejim məhv bəbe, inşaallah”.
İbrimi Zahirəddin, çe Rusiya Yekaterinburğ şəhəriku, İİR sədo tolışi radio.