ԻԻՀ ԱԳՆ խոսնակը հինգշաբթի օրը հայտարարել է, որ Ղազախստանում տեղի ունեցող զարգացումները ներքին խնդիր են, իսկ որոշ օտարերկրյա ուժեր ստեղծված իրավիճակից օգտվում են՝ անկարգություններ հրահրելու և երկիրը ապակայունացնելու համար:
Սաիդ Խատիբզադեն հայտարարել է, որ Ղազախստանում կայունությունն ու անվտանգությունը շատ կարևոր են և հույս է հայտնել, որ խաղաղությունը հնարավորինս շուտ կվերադառնա այդ երկիր:
Խաթիբզադեն վստահություն է հայտնել, որ Ղազախստանի բարեկամ, եղբայր և հարևան կառավարությունն ու ժողովուրդը ներքին միասնությամբ կարձագանքեն օտարերկրյա չարագործների ջանքերին։
Ղազախստանում անկարգությունները սկսվել են կիրակի օրը՝ վառելիքի թանկացման դեմ բողոքի ցույցերից հետո: Անկարգությունների հետևանքով զոհվածների և վիրավորների ստույգ թիվը դեռ չի նշվում, սակայն ոստիկանությունը հայտնում է, որ առնվազն 13 ոստիկան զոհվել է: