Իրանի ԱԳ նախարարը և Թուրքմենստանի նախագահի հատուկ ներկայացուցիչը քննարկել են երկկողմ համագործակցության ընդլայնումը և երկուստեք հետաքրքրություն ներկայացնող մի շարք հարցեր:
Հոսեյն Ամիր Աբդոլլայանը շաբաթ օրը հանդիպել է Սարդար Բերդիմուհամեդովի և նրան ուղեկցող պատվիրակության հետ: Կողմերը քննարկել են տնտեսության, առևտրի, էներգետիկայի, տրանսպորտի և տարանցման ոլորտի հետ կապված հարցերի շրջանակ:
Երկու երկրների պաշտոնյաները մտքեր են փոխանակել նաև Թուրքմենստանի նախագահի՝ Իրան կատարելիք այցի ընթացքում ստորագրվելիք փաստաթղթերի շուրջ։
Իրանի ԱԳ նախարարի և Թուրքմենստանի նախագահի հատուկ ներկայացուցչի քննարկման թեմաներից են եղել նաև տարածաշրջանային խնդիրները, այդ թվում՝ Աֆղանստանում տիրող իրավիճակը: Երկու կողմերն ընդգծել են Աֆղանստանում համապարփակ կառավարության ձևավորման անհրաժեշտությունը: