Պաղեստինի ԱԳՆ-ն իր հայտարարությունում բողոքել է Իսրայելի ագրեսիայի, հատկապես քաղաքատիպ ավանների կառուցման նկատմամբ միջազգային լռության դեմ, հավելելով, որ Թել Ավիվը ձգտում է ապարտեիդ հաստատել պաղեստինցիների դեմ։
Պաղեստինցիների դեմ Սիոնիստական ռեժիմի գործողությունները ապարտեիդի ակնհայտ օրինակներ են։ Քաղաքատիպ ավանների կառուցումը, որն իրականացնում է Սիոնիստական ռեժիմը, նույնիսկ առանց հաշվի առնելու ՄԱԿ-ի Անվտանգության խորհրդի 2334 բանաձևը, Պաղեստինի դեմ Սիոնիստական ռեժիմի ապարտեիդի օրինակներից մեկն է:
Պաղեստինի արտաքին գործերի նախարարության հայտարարության մեջ ասվում է. «Սիոնիստական ռեժիմը մրցում է ժամանակի հետ՝ իրականացնելու իր բնակավայրերի կառուցումն ու գաղութատիրական ծրագրերը պաղեստինյան տարածքներում և մեծ փոփոխություններ մտցնելու Հորդանան գետի Արևմտյան ափի պատմական և իրավական իրականության մեջ, որպեսզի վերջապես փակվեն բոլոր հնարավորությունները Երուսաղեմը կենտրոն ունենալով Պաղեստին պետություն ստեղծելու համար»:
Սիոնիստական ռեժիմը քաղաքատիպ ավաններ կառուցելով, մտադիր է հրեականացնել բռնագրավված տարածքները և փոխել այդ տարածքներում տիրող մշակույթը: Սիոնիստական ռեժիմի կառավարության կազմը օրենքներ է վավերացնում, որոնք ճնշում են այդ շրջաններում ապրող պաղեստինցիներին: Փաստորեն, քաղաքատիպ ավաններ կառուցելիս, Սիոնիստական ռեժիմը բռնագրավվում է պաղեստինցիներին պատկանող բնակարաններն ու հողատարածքները և ցեղային խտրականություն է դրսևորում նրանց նկատմամբ:
Մինչ այժմ տարբեր միջազգային կազմակերպություններ պաղեստինցիների դեմ Սիոնիստական ռեժիմի հանցագործությունները, հատկապես քաղաքատիպ ավանների կառուցումը, որակել են որպես ապարտեիդ: Human Rights Watch-ը վերջերս հրապարակեց համապարփակ զեկույց, որը ներառում էր ընդարձակ իրավական վերլուծություն, որտեղ եզրակացրեց, որ Սիոնիստական ռեժիմը հատել է պաղեստինցիների դեմ հանցագործությունների պատմական շեմը, և որ Սիոնիստական ռեժիմի պաշտոնյաները մարդկության դեմ հանցագործություններ են կատարել՝ ապարտեիդի և ոտնձգությունների տեսքով: Human Rights Watch-ը և իրավապաշտպան այլ խմբերը անդրադարձան մի շարք զարգացումների. Սիոնիստական ռեժիմի կողմից պաղեստինյան տարածքների շարունակական միացումը Իսրայելին, գրավյալ տարածքներում իշխող օրենքները, որոնք երաշխավորում են հրեաների գերակայությունը. Նաև պաղեստինցիների նկատմամբ սիոնիստական վերահսկողության համակարգի ստեղծումն այդ դեպքերից են:
Նկատի ունենալով այս իրավիճակը՝ Պաղեստինի ԱԳՆ-ն դատապարտել է Սիոնիստական ռեժիմի կողմից պաղեստինցիների տների ավերումը, ռասայական մաքրագործումը, պաղեստինցիների նկատմամբ բռնաճնշումն ու հալածանքը և այդ ծավալապաշտական գաղութատիրական գործողությունների հետևանքները անվանել է ապարտեիդի համակարգի կատարելագործումը Պաղեստինում: հետևաբար միջազգային հանրությանը կոչ է արել ճնշում գործադրել Սիոնիստական ռեժիմի դեմ պաղեստինյան տարածքներում իր բոլոր գործողությունները դադարեցնելու համար:
Վերջապես հարկ է նշել, որ սա առաջին դեպքը չէ, երբ պաղեստինցիները միջազգային հանրությանը կոչ են անում վճռականորեն արձագանքել Սիոնիստական ռեժիմի հանցագործություններին, սակայն միջազգային ազդեցիկ կառույցների, հատկապես Անվտանգության խորհրդի և խոշոր տերությունների պասիվությունը պատճառ է դարձել Սիոնիստական ռեժիմն անտեսելով միջազգային սկզբունքներն ու կանոնակարգերը, շարունակի իր հանցագործությունները: