Չորեքշաբթի օրը ՌԴ ԱԳ նախարարը Թեհրանում հանդիպել է Իրանի նախագահ այաթոլլա Սեյեդ Էբրահիմ Ռայիսիի հետ։
ԻՌՆԱ-ի հաղորդմամբ՝ ԻԻՀ ԱԳ նախարար Հոսեյն Ամիր Աբդոլլահյանի հրավերով չորեքշաբթի օրը Թեհրան ժամանած ՌԴ ԱԳ նախարար Սերգեյ Լավրովը հանդիպել է Իրանի նախագահ այաթոլլա Սեյյեդ Էբրահիմ Ռայիսիի հետ։
Այցի ընթացքում, երկու երկրների պաշտոնյաները կքննարկեն երկարաժամկետ համագործակցության համաձայնագրի ստորագրման և արևմտյան պատժամիջոցների խստացման պայմաններում երկկողմ տնտեսական հարաբերությունների զարգացման հետ կապված հարցեր։
Բանակցությունների առանցքում կլինի նաև Սիրիայի և Աֆղանստանի հետ կապված տարածաշրջանային անվտանգության ոլորտում համագործակցությունը։
Ռուս և իրանցի պաշտոնայները կքննարկեն նաև միջուկային բանակցությունների հարցը: