Իրանի Իսլամական Հանրապետության Գերագույն դատարանի նախագահն այցելել է Ռուսաստանի մայրաքաղաք Մոսկվա։
Iran Press լրատվական գործակալության հաղորդման համաձայն, Իրանի Գերագույն դատարանի նախագահ Հոջաթ-ուլ-Իսլամ Վալ-Մուսլիմին Սեյեդ Ահմադ Մորթազավի-Մողադամը ժամանել է Մոսկվա՝ մասնակցելու Ռուսաստանի Գերագույն դատարանի ստեղծման 100-ամյակի արարողությանը: Երկուշաբթի երեկոյան, Իրանի Գերագույն դատարանի նախագահը հանդիպել է է Ռուսաստանի դատական իշխանության պաշտոնատարների հետ:
Իրանի Գերագույն դատարանի նախագահին Մոսկվայում դիմավորել են Ռուսաստանում Իրանի դեսպան՝ Քազեմ Ջալալին և ՌԴ Գերագույն դատարանի նախագահի տեղակալը:
Ռուսաստանի Գերագույն դատարանի ստեղծման 100-ամյակի արարողությանը Իրանից բացի ներկա են Տաջիկստանի, Հնդկաստանի, Ղազախստանի, Ղրղզստանի, Հայաստանի և Ադրբեջանի Գերագույն դատարանների նախագահները և դատական պաշտոնյաները։