Իսլամական հեղափոխության գերագույն առաջնորդը Իրանի մեծ թվով ուսուցիչների և կրթության ոլորտի ներկայացուցիչների հետ հանդիպման ժամանակ ասել է,-«Անհնար է երկրի համակողմանի զարգացման դժվարին փուլերն անցնել առանց կրթության ու դաստիարակության օգնության ու դերակատարության»:
Իսլամական հեղափոխության մեծարգո առաջնորդի գրասենյակի տեղեկատվական կայքի փոխանցմամբ՝ այաթոլլահ Խամենեին երեքշաբթի օրը կայացած հանդիպման ժամանակ, հարգել է, որպես «ճշմարիտ ու կատարյալ ուսուցիչ» նահատակ Մոթահարիի հիշատակը և ուսուցիչներին խորհուրդ է տվել օգտվել նրա ստեղծագործություններից։ Մեծարգո առաջնորդը շատ փորձագետների հետ միաձայն, նշել է, որ դպրոցը առանցքային դեր ունի երկրի խնդիրների լուծման գործում:
Իրանի Իսլամական հեղափոխության գերագույն առաջնորդը հիմնական պարտականություն է համարել երկրի խելացի երիտասարդների ու պատանիների մեջ «իրանա-իսլամական ինքնության և ազգային անհատականության» զգացումը վերակենդանացնելը: Նա ասել է,-«Այս գործընթացում պարսկերեն լեզվի հարցը, երկրի դրոշը, իրանցի լինելու հպարտության զգացումը շատ կարևոր են,և իհարկե այս բոլորը խորհուրդներով ու խոսքով չեն իրականանում, այլև աշակերտներին պետք է ճիշտ սովորեցնել մշակութային, գիտական և պատմական արժեքները»:
Այաթոլլահ Խամենեին փոփոխվող ժամանակներին համապատասխան դասագրքերն արդիականացնելու անհրաժեշտ քայլերի շարքում դասելով իսլամական հասկացությունների ընդգրկումը և Իրանի պատմության մեջ իսլամական ու իրանցի երևելի դեմքերի և գիտական հայտնագործությունների հեղինակների ներկայացումը, նշել, է,-«Որոշ մարդիկ ժամանակների փոփոխություն ասելով, նկատի ունեն սկզբունքների փոփոխում, մինչդեռ այնպիսի սկզբունքներ, ինչպիսիք են արդարությունը և բարությունը, երբեք չեն փոխվում, բայց վերնաշենքերը, ինչպիսիք են գրելու և արտահայտվելու ձևերը, փոփոխական են»:
Անդրադառնալով «Կրթության ու դաստիարակության հիմնարար վերափոխման փաստաթղթին»,Իրանի Իսլամական հեղափոխության գերագույն առաջնորդը երկրի պատասխանատուներին հինգ խորհուրդ է տվել,որոնք են՝«առաջին՝ փոխակերպման փաստաթուղթը պետք է շարունակաբար լրացվի և թարմացվի», «երկրորդ՝ պետք է կտրուկ աջակցություն ցուցաբերել փոխակերպման փաստաթղթին և նպաստել դրա իրականացմանը», «Երրորդ, այլընտրանք կամ մրցակից չպետք է ստեղծվի փոխակերպման փաստաթղթի համար, որը հիմնավոր և լավ փաստաթուղթ է», «Չորրորդ՝ վերափոխման փաստաթղթի իրականացման ճշգրիտ ճանապարհային քարտեզ պետք է պատրաստել և որին պետք է աջակցություն ցուցաբերվի կառավարության և խորհրդարանի կողմից» և «Հինգերորդ՝ ճանապարհային քարտեզում պետք է որոշվեն չափելի ցուցանիշներ, որոնց հիման վրա մշտապես վերահսկել փաստաթղթերի կատարման ընթացքը»: