Իրանի «Ֆաջր» միջազգային 41-րդ կինոփառատոնում էկրան է բարձրացել «Գնդապետ Սորայա» ֆիլմը,որի ռեժիսորն է Լեյլի Աջը և պրոդյուսերը՝ Ջալիլ Շաաբանին: Ֆիլմի թեման Մոջահեդին-ե Խալղ կազմակերպությունն է:
Այս տարվա փառատոնի առաջին ֆիլմերից համարվող «Գնդապետ Սորայա» ֆիլմի ռեժիսոր Լեյլի Աջը, Մոջահեղին-ե Խաղ կազմակերպության տեղակայման վայրը համարվող Աշրաֆ զորանոցը առիթ դարձնելով փորձել է կինոարտադրության ասպարեզի մի մեծ ու կարևոր նախագիծ իրականացնել:
Գնդապետ Սորայան իրական պատմություն է Աշրաֆ ճամբարի բանտարկյալների ճակատագրի և նրանց ընտանիքների հերոսական գործողությունների մասին: Ժալե Սամեթիի հիանալի խաղը և Լեյլի Աջի ընդունելի ռեժիսուրան այս ֆիլմի ուշագրավ կետերից էին:
Սորայա Աբդոլլահին, ում հուշերի հիման վրա է պատրաստվել այդ ֆիլմի պատմությունը, Ֆաջր կինոփառատոնում «Գնդապետ Սորայա» ֆիլմը դիտելուց հետո, անհամբերությամբ ԶԼՄ-ներից պահանջել է հետամուտ լինել Մոհաֆեղին ահաբեկչական կազմակերպության կողմից իր որդու առևանգվելուն և նրա վիճակին:
Այս ֆիլմի վերաբերյալ անցկացված մամուլի ասուլիսում Լեյլի Աջը, ի պատասխան լրագրողների այն հարցին, թե ինչ փաստաթղթեր են օգտագործվել այս ֆիլմի պատրաստման և «Մոջահեդին-ե Խաղ» կազմակերպությունը ներկայացնելու համար,անդրադարձավ սրահում գտնվող մայրերին,որոնք իրենց զավակների լուսանկարներն էին կրում և ասաց.- «Օրերով ու ժամերով զրուցել եմ այս մայրերի հետ, ովքեր տարիներ շարունակ սպասում են իրենց զավակներին»:
Անդրադառնալով «մայր», «զավակ» և «սպասում» հիմնաբառերին՝ Աջն ասել է.«Այս ֆիլմը կարող է համաշխարհային լսարան ունենալ»։
Այս ֆիլմի պրոդյուսեր Ջալիլ Շաաբանին ևս նշել է,որ ֆիլմի թեման ինքնին միջազգային թեմա է, որը կարող է տեղի ունենալ աշխարհի ցանկացած կետում: