Թուրքիայում և Սիրիայում տեղի ունեցած երկրաշարժի զոհերի թիվը հատել է 39 հազարի սահմանը:
Թուրքիայի կառավարությունը հայտարարել է, որ զոհերի թիվը հասել է 35418-ի։ Սիրիայում անցած երկուշաբթի տեղի ունեցած 7,8 մագնիտուդ ուժգնությամբ երկրաշարժի զոհ է դարձել 3688 մարդ։
Փլատակների տակ շարունակում են գտնվել հազարավոր մարդիկ: Եվ չնայած սառնամանիքին, տասնյակ հազարավոր փրկարարներ շարունակում են փրկարարական աշխատանքները: Ծայրահեղ ցուրտն ավելի է սրել Թուրքիայում ու Սիրիայում երկրաշարժից տուժած քաղաքացիների տառապանքները: